سوال

کیا فرماتے ہیں علمائے کرام و مفتیان عظام اس مسئلہ کے متعلق کہ موبائل کمپنیوں نے جو اکاؤنٹ کھلوائے ہیں اس میں رقم رکھوانا کیسا ہے اور اس رقم کے بدلے روزانہ فری منٹس اور میسیجز کا استعمال کیسا ہے جیسے کہ ٹیلی نار اکاؤنٹ میں 2000 تک رقم موجود ہو تو آپ کو روزانہ 40 منٹس اور 60 میسیجز ملتے ہیں اس کا کیا حکم ہے؟

جواب

مذکورہ اکاؤنٹ میں موجود رقم قرض ہے، اور اس پر ملنے والی اضافی فوائد سود ہیں، اس لیے مذکورہ اکاؤنٹ کھلوانا اور اس میں رکھی رقم پر ملنے والے منافع حاصل کرنا جائز نہیں ہوگا۔