سوال

 زید کے گھر والوں نے اس کا رشتہ اس کی مرضی سے طے کیا ہے اور وہ اس رشتے پر خوش بھی ہے، البتہ نکاح میں کافی وقت ہے۔ سوال یہ پوچھنا یہ ہے کہ: زید اس لڑکی سے نکاح سے پہلے اس لڑکی سے فون پر بات کر سکتا ہے ؟ دوسرا یہ کہ زید اس لڑکی سے ایک بار ملنا چا ہتا ہے دیکھنا چا ہتا ہے ؟ کیا شریعت میں نکاح سے قبل فون پر بات کرنے اور ایک بار ملنے یا دیکھنے کی اجازت ہے ؟ زید اپنی منگیتر سے بات کر سکتا ہے ؟ مل سکتا ہے ؟

جواب

جب تک زید کا نکاح مذکورہ لڑکی سے نہیں ہوجاتا اس وقت تک دونوں ایک دوسرے کے لیے اجنبی ہیں اور دونوں کا نکاح سے پہلے ایک دوسرے سے ملنا یا فون پر بات کرنا شرعاً جائز نہیں ہے،  نیز نکاح سے قبل منگیتروں کا آپس میں ملنا کئی برائیوں کا باعث ہے۔ لہٰذا جلد از جلد رخصتی کا بندوبست کریں اور اگر جلد رخصتی مشکل ہو تو نکاح کرلیں تاکہ فون پر بات کرنا شرعاً جائز ہوجائے۔ فقط واللہ اعلم