ہمارے ایک دوست ایک ملٹی نیشنل کمپنی میں ملازم ہیں،وہاں پر لنچ ٹائم میں نماز کے لیے صرف اتنا وقت ملتاہے کہ وہ بمشکل فرض ادا کرپاتے ہیں ،توایسی صورت میں کیاکریں ؟صرف فرض پڑھ لیں یا پوری نماز پڑھنی ہوگی؟
ملازمت کی وجہ سے نماز کا ترک کرنا یا ناقص ادا کرنا جائز نہیں ،سنت اور فرض دونوں کی ادائیگی لازم ہے، البتہ نوافل چھوڑ دیے جائیں۔ لہٰذا لنچ ٹائم میں نماز کو مقدم رکھیں اور فرض اور سنتوں کی ادائیگی کے بعد بقیہ وقت کھانے میں صرف کریں۔فقط واللہ اعلم
فتوی نمبر : 143906200091
دارالافتاء : جامعہ علوم اسلامیہ علامہ محمد یوسف بنوری ٹاؤن