میں نے ایک شخص کو بطور قرض کچھ رقم دی تھی، اب مجھے یقین کے ساتھ پتا چلا ہے کہ اس شخص کی کمائی صاف طور پر حرام کی ہے تو کیا میرے لیے اس کے حرام پیسوں سے اپنا قرض وصول کرنے کی گنجائش ہے؟
صورتِ مسئولہ میں اگر مقروض شخص صراحت کے ساتھ یہ کہہ کر قرضہ واپس کرے کہ یہ حرام پیسہ ہے تو ایسی صورت میں آپ کے لیے مذکورہ رقم لینے کی اجازت نہ ہوگی اور آپ کو مقروض سے اس بات کے مطالبہ کا حق ہوگا کہ وہ حلال مال سے قرضہ واپس کرے، البتہ اگر اس نے قرضہ ادا کرتے وقت کسی قسم کی صراحت نہیں کی ہو، تو ایسی صورت میں اپنا قرضہ وصول کرسکتے ہیں۔ فقط واللہ اعلم
فتوی نمبر : 144012200191
دارالافتاء : جامعہ علوم اسلامیہ علامہ محمد یوسف بنوری ٹاؤن