سوال

مغرب کی اذان کے بعد اکثر مساجد میں کچھ منٹ جماعت کے لیے انتظار کیا جاتا ہے. کیا یہ عمل درست ہے یا فوراً جماعت شروع کرنی چاہیے؟

جواب

مغرب کی  نماز اور اذان میں  ایک بڑی آیت یا تین مختصر آیات کی تلاوت کے بقدر  وقفہ کرکے نماز پڑھ لینا افضل ہے۔اور جتنی دیر میں دو رکعت ادا کی جاتی ہیں  یا اس سے   زیادہ  تاخیر کرنا مکروہِ تنزیہی ہے، اس کا معمول بنانا درست نہیں ہے، اور  بغیر عذر کے اتنی تاخیر کرنا کہ ستارے چمک جائیں  مکروہِ تحریمی(ناجائز) ہے۔فقط واللہ اعلم