ایک مسجد کا پلاٹ جو کافی عرصہ پہلے کسی خدا کے بندے نے وقف کیا تھا، اس کے بعد کئی لوگ مسجد کی کمیٹی میں آئے اور گئے، اب موجودہ کمیٹی نے اس پلاٹ کو ایک مدرسے کو دے دیا ہے، یاد رہے کہ اس کمیٹی میں جس نے پلاٹ وقف کیا تھا، اس کے خاندان کا کوئی بھی بندہ شامل نہیں۔ اب کیا ان کمیٹی والوں کو یہ حق ہے کہ وہ پلاٹ مدرسے کے لیے دیں یا مدرسے والے وہ پلاٹ مدرسے کے لیے لیں ?
جو پلاٹ واقف نے مسجد کے لیے وقف کیا تھا، اس پلاٹ کو مدرسہ کو دینا جائز نہیں ہے۔ فقط واللہ اعلم
فتوی نمبر : 144105201124
دارالافتاء : جامعہ علوم اسلامیہ علامہ محمد یوسف بنوری ٹاؤن