سوال

ایک مسجد کی چھت تعمیر کی گئی ،اب اس کےپرانےگارڑرایک اورمسجدکودیےجاسکتےہیں، جب کہ یہ پہلےوالی مسجدکی ضرورت نہیں ہیں اوردوسرےمسجدکی ضرورت ہیں؟

جواب

مذکورہ گارڈر  پہلی مسجد کی ملکیت ہے ، جب تک اس کا استعمال اس مسجد میں ممکن ہو  یا اس کو بیچ کر مسجد ہی کے لیے کوئی سامان خریدنا ممکن ہو ، تب تک یہ کسی اور مسجد کو دینا جائز نہیں ہے۔ البتہ یہ ممکن ہے کہ نئی مسجد ہی کو یہ گارڈر بیچ دیا جائے۔

"إذا تم ولزم لا یملک ولا یملِّک ولا یعار ولا یرهن‘‘. (درمختار)

’’(قوله: لا یملک ) أي لا یکون مملوکاً لصاحبه ولا یملک أي لا یقبل التملیک لغیره بالبیع ونحوه‘‘. (ردالمحتار، ص ۵۰۷ ج۳ مطلب في شرط واقف الکتب أن لا تعار ولایرهن) فقط واللہ اعلم