سوال

مسجد  سے تسبیح لینا اور متبادل تسبیح رکھنا کیسا ہے؟

جواب

مسجد  کی جو اشیاء مسجد میں عبادت کی غرض سے استعمال کرنے کے لیے مختص ہوں، ان کا وہیں عبادت کی غرض سے استعمال کرنا جائز ہے، انہیں وہاں سے منتقل کرنا یا اپنے ذاتی استعمال میں لانا جائز نہیں ہے، لہذا مسجد کی تسبیح کو اپنے ذاتی استعمال کے لیے  مسجد سے باہر لے جانا  جائز نہیں ہے اگرچہ اس کی جگہ کوئی اور تسبیح رکھ دی جائے، البتہ اگر وقف کرنے والے کی طرف سے  یہ چیزیں نمازیوں کو ملکیتاً دینے کے لیے رکھی ہوئی اور اس کی طرف سے اجازت ہو کہ نمازی اس کو اپنے ساتھ بھی لے جاسکتے ہیں تو پھر  وہاں سے تسبیح اٹھانا جائز ہوگا۔

فتاوی عالمگیری  میں ہے:

”متولي المسجد لیس له أن یحمل سراج المسجد إلی بیته وله أن یحمله من البیت إلی المسجد“، کذا في فتاوی قاضي خان اهـ‘‘.  ( ۲:۴۶۲ مطبوعہ مکتبہ زکریا دیوبند) فقط واللہ اعلم