مجھے زکاۃ دینی ہے، کیا میں مدرسہ میں دے سکتا ہوں؟ جب کہ مدرسہ کے بچے رہتے نہیں ہیں، مدرسہ میں پیسوں کی بہت ضرورت ہے۔
اگر مذکورہ مدرسے میں مستحقِ زکاۃ طلبہ پر زکاۃ خرچ کرنے کا مصرف ہے، (مثلاً انہیں امدادی وظائف جاری کیے جاتے ہوں یا ان کے کھانے وغیرہ کا انتظام کیا جاتا ہو) تو مستحقینِ زکاۃ طلبہ کے لیے اس مدرسے میں زکاۃ دے سکتے ہیں۔ ورنہ جس مدرسے میں مستحقین پر خرچ کرنے کا اہتمام ہو وہاں زکاۃ دے سکتے ہیں۔ تعمیرات اور تنخواہوں وغیرہ کی مد میں زکاۃ دینا درست نہیں ہے۔ فقط واللہ اعلم
فتوی نمبر : 144106200516
دارالافتاء : جامعہ علوم اسلامیہ علامہ محمد یوسف بنوری ٹاؤن