یہ تو معلوم ہے کہ کالا خضاب استعمال کرنا ممنوع ہے اور یہ ہی حکم کالا کولا اور دیگر ہیئر کلر کے استعمال کا بھی ہے کہ خالص کالا رنگ استعمال کرنا جائز نہیں . لیکن مجھے یہ پوچھنا ہے کہ آج کل ایک نیا رواج اور فیشن چل پڑا ہے کہ بالوں پر مختلف رنگ لگائے جارہے ہیں مثلاً: لال، جامنی، ہرا ، پیلا رنگ وغیرہ وغیرہ. اور کبھی دو رنگ بھی استعمال کیے جاتے ہیں، مثلاً: بالوں کی جڑوں سے لے کر کچھ نیچے تک تیز جامنی یا نیلا رنگ کروالیا اور بال کے سرے تک ہلکا جامنی رنگ کروالیتے ہیں . یہ فیشن بالخصوص لڑکیوں میں بہت مقبول ہورہا ہے اور مغربی ممالک سے آیا ہے. واضح رہے کہ اس رنگ کی بھی دیگر ہیئر کلر جیسے کالا کولا وغیرہ کی طرح تہہ نہیں جمتی ہے. کیا اس کا استعمال صحیح ہے ؟
غیروں کا فیشن اوران کے ساتھ مشابہت کی وجہ سے یہ فیشن واجب الترک ہے۔ فقط واللہ اعلم
فتوی نمبر : 143806200035
دارالافتاء : جامعہ علوم اسلامیہ علامہ محمد یوسف بنوری ٹاؤن