سوال

 ہمارے محلے کی مسجد ہے، جس کو ہم محلے سےباہر منتقل کرنا چاہتے ہیں اور اس کے لیے باہر زمین کسی نے وقف کی ہے تو عرض یہ ہے کہ ہم پرانی مسجد کے ساتھ کیا کریں؟  کیا ہم اس کو مدرسہ میں تبدیل کر سکتے ہیں یا نہیں؟

جواب

جو زمین ایک دفعہ مسجدِ  شرعی کے لیے وقف ہوکر مسجد شرعی بن چکی ہو تو وہ قیامت تک مسجد کے حکم میں ہی رہتی ہے، اس لیے آپ لوگ پرانی مسجد کو مدرسہ وغیرہ کسی بھی چیز میں تبدیل نہیں کرسکتے ہیں، اس مسجد کو مسجد ہی رہنے دیا جائے اور نئی مسجد کے ساتھ ساتھ اس مسجد کو بھی آباد رکھا جائے۔ اگر پرانی مسجد کے ارد گرد سے آبادی بھی منتقل ہورہی ہے تو بھی اس مسجد کی جگہ کچھ اور بنانے کی اجازت نہیں ہوگی، بلکہ اس جگہ کو محفوظ کردیا جائے۔ ممکن ہے بعد میں کسی وقت یہاں آبادی ہو تو پھر اسی مسجد کو آباد کردیا جائے۔ فقط واللہ اعلم