میرے پاس 6.5 تولہ سونا اور 15 تولہ چاندی ہے 900 روپے نقد رقم موجود ہے، کیا میری زکاۃ نصاب کے زمرے میں آتی ہے؟ برائے کرم مجھے یہ بتائیں میں زکاۃ کتنی ادا کروں؟
جی ہاں! آپ کے پاس سونا، چاندی اور کچھ نقد رقم موجود ہے، اس لیے آپ پر زکاۃ فرض ہے، جس دن زکاۃ کا سال مکمل ہو اس دن آپ کے پاس موجود سونے، چاندی کی مالیت معلوم کرلیں، اس کی مالیت اور نقدی کے مجموعے پر ڈھائی فیصد زکاۃ اداکرنا لازم ہوگا۔ فقط واللہ اعلم
فتوی نمبر : 144008201572
دارالافتاء : جامعہ علوم اسلامیہ علامہ محمد یوسف بنوری ٹاؤن