کیا پیریڈز کے دوران موبائل فون پر قرآن کریم کی تلاوت کر سکتے ہیں؟
عورت کے لیے ماہواری کے ایام میں قرآن مجید کو چھونا، اور دیکھ کر یا بغیر دیکھے قرآن کی تلاوت کرنا جائز نہیں ہے، البتہ قرآن کریم کی وہ آیات جو دعا کے معنی پرمشتمل ہوں انہیں دعا یا وظیفہ، یا ذکر کے طور پر پڑھنا جائز ہے؛ لہذا پیریڈ کے عرصہ میں موبائل سے قرآن کریم کی تلاوت کرنا جائز نہیں ہے.
البحرالرائق میں ہے:
"( قوله : وقراءة القرآن ) أي يمنع الحيض قراءة القرآن وكذا الجنابة؛ لقوله صلى الله عليه وسلم: « لاتقرأ الحائض ولا الجنب شيئاً من القرآن ». رواه الترمذي وابن ماجه". (2/274) فقط والله أعلم
فتوی نمبر : 144110201035
دارالافتاء : جامعہ علوم اسلامیہ علامہ محمد یوسف بنوری ٹاؤن
