سوال

کیا ماہانہ قسطوں  پر گھریلو سامان خرید سکتے ہیں ؟

جواب

گھریلو سامان یا  دیگر اشیاء کی خریداری قسطوں پر لینا جائز ہے، تاہم شرط یہ ہے کہ عقد  یعنی بیع وفروخت کے وقت کوئی ایک قیمت متعین کرلی جائے اور یہ طے کرلیا جائے کہ خریداری نقد پر ہورہی ہے یا ادھارپر، اور ادھار کی مدت طے کرلی جائے، اور قسط میں تاخیر ہونے کی صورت میں کوئی اضافہ/ جرمانہ وصول نہ کیاجائے۔ مذکورہ شرائط نہ پائی جائیں تو قسطوں پر  بیع ناجائز اور سود کے حکم میں ہوگی۔ واضح رہے کہ یہ شرائط عام اشیاء کے بارے میں ہیں، نقدی یا سونا چاندی قسطوں پر خریدنا جائز نہیں ہے۔فقط واللہ اعلم