سوال

میرے والد کو آج کل کچھ مالی پریشانیاں ہیں، اور مستقل کافی عرصے سے جاری ہیں، آپ براہ کرم اس مسئلے کا حل بیان کر دیں۔

جواب

مشکلات کے حل کے لیے مسنون عمل صلاۃ الحاجۃ اور صلاۃ التوبۃ کا اہتمام ہے۔ دو رکعت نماز حاجت برآری کی نیت سے ادا کرنے کا اہتمام کریں اور صلوۃ الحاجۃ کی مسنون دعا پڑھ کر  اللہ کے سامنے اپنی حاجات  کو پیش کرتے رہیں، اسی طرح وقتا فوقتا دو رکعت گناہوں سے سچی توبہ کی نیت سے پڑھتے رہیں، ان شاء اللہ جلد ہی اللہ تعالی پریشانیوں کے حل کا کوئی نہ کوئی سامان پیدا  فرما دیں گے۔

نماز حاجت کی مسنون دعا یوں ہے:

لا الہ الا اللہ الحلیم الکریم سبحان اللہ رب العرش العظیم والحمد للہ رب العالمین أسألک موجبات رحمتک وعزائم مغفرتک والغنیمۃ من کل بر والسلامۃ من کل اثم أسألک أن لا تدع لی ذنبا الا غفرتہ ولا ہما الا فرجتہ ولا حاجۃ ہی لک رضا الا قضیتہا لی۔( ابن ماجہ، السنن، کتاب اقامۃ الصلاۃ والسنۃ فیہاا، باب ما جاء فی صلاۃ الحاجۃ، 2 : 171، 172، رقم : 1384