پیسوں سے صدقہ دینے کا کیا طریقہ ہے؟
صدقہ اگر واجب ہے یعنی زکاۃ، صدقہ فطر،قسم کا کفارہ اور نذر وغیرہ کی رقم ہو تو مستحقِ زکاۃ کو دینا ضروری ہے۔ اور اگر صدقہ واجب نہیں ہے تو غیرمستحقِ زکاۃ کوبھی دے سکتے ہیں۔صدقے کی یہ دوسری قسم نفلی صدقہ کہلاتی ہے۔نفلی صدقہ حسب ِتوفیق نکالنا چاہیے۔جسے دیں اسے مالک بناکر دیں اور رشتہ داروں کو دینا زیادہ اچھا ہے۔نقدی کی صورت میں صدقہ دینا اس لیے اچھا ہے کہ نقدی سے ہر قسم کی ضرورت بآسانی پوری ہوجاتی ہے۔فقط و اللہ اعلم
فتوی نمبر : 143907200095
دارالافتاء : جامعہ علوم اسلامیہ علامہ محمد یوسف بنوری ٹاؤن