سوال

 آپ نے جو نام تجویز فرمائے ان میں سے میں نے "ماریہ" نام منتخب کیا ہے، اب ایک اور چیز درکار ہے، اس نام کے ساتھ کوئی ایسا نام تجویز فرمائیں جسے اس نام کے ساتھ جوڑ کر دل کشی پیدا ہوجائے۔ جس طرح میری بڑی بیٹی کے نام "عافیہ" کے ساتھ "مریم" جوڑ کر "عافیہ مریم" بنا لیا ہے۔ امید ہے آپ پہلی فرصت میں میرا مسئلہ حل فرما ئیں گے!

جواب

لڑکیوں کے نام کے ساتھ عموماً شادی سے پہلے والد کا اور شادی کے بعد اُس کے شوہر کا نام لگایا جاتا ہے ، لہٰذا "ماریہ" نام کے ساتھ والد کا نام ہی لگایا جائے تو زیادہ بہتر ہے۔

البتہ اگر دوسرا نام مؤنث ہی لگانا ہو تو "بتول" ( "ب" پر زبر اور  "ت" پر پيش كے ساتھ ) لگاتے ہوئے پورا نام "ماریہ بتول" رکھا جا سکتا ہے۔

"بتول" حضرت مریم رضی اللہ عنہا کا لقب تھا، جس کے معنی ہیں: عفیف اور پاک دامن عورت۔ فقط واللہ اعلم