سوال

کیا مارشمیلو (marshmallow)حلال ہے؟

جواب

مارشمیلو  چینی، پانی اور جیلاٹن سے مرکب  ایک ٹافی کا نام ہے، اس کے اجزاءِ ترکیبیہ میں جیلاٹن شامل ہے اور  جیلاٹن چوں کہ مختلف طریقوں سے حاصل کیا جاتا ہے جن میں سے بعض حلال نہیں ہوتے؛ اس لیے جب تک ’’مارشمیلو‘‘  میں استعمال شدہ جیلاٹن کی تحقیق نہیں ہو جاتی، اس وقت تک اس کا حکم بیان کرنا مشکل ہے۔

کھانے پینے کی اشیاء کے حوالے سے حلال سرٹیفیکیشن دینے والے کسی معتبر ادارے (مثلاً: سنحا (SANHA)  سے رجوع کرکے اس حوالے سے تحقیق کی جاسکتی ہے۔ فقط واللہ اعلم