سوال

قومی بچت میں کچھ رقم رکھی تھی، بعد میں پتا چلا کہ یہ فعل درست نہیں ہے، توبہ کی، اب اس رقم کو واپس قومی بچت میں جمع کروں؟

جواب

آپ نے جس قدر رقم جمع کروائی تھی وہ (اصل رقم) آپ کی ملکیت ہے، وہ آپ وصول کرلیجیے، اس سے زائد تمام رقم سود ہے، اس کا استعمال آپ کے لیے جائز نہیں ہے، اگر زائد رقم وصول کرچکے ہیں اور یہ ممکن ہے کہ زائد رقم اسی ادارے کو  ایک خط لکھ کر واپس کردیں، تو یہ سودی رقم واپس جمع کروادیں،  اور  اگر یہ ممکن نہ ہو تو کسی مستحقِ زکات کو بلا نیتِ ثواب صدقہ کردیں۔ فقط واللہ اعلم