سوال

قضائے حاجت کے بعد عموماً جو منی کے قطرات آتے ہیں کیا اس سے غسل فرض ہوتا ہے یا نہیں؟

جواب

منی کے نکلنے سے غسل اس وقت واجب ہوتا ہے جب وہ شہوت اور دفق (اچھلنے)  کے ساتھ ہو ، اگر منی  اس کیفیت کے بغیر نکل آئے تو اس سے غسل واجب نہیں ہوتا۔ واضح رہے کہ قضائے حاجت کے بعد یا اس سے پہلے جو گاڑھے قطرے (منی کی طرح) نکلتے ہیں، انہیں ''ودی'' کہاجاتاہے، ان قطرات کے نکلنے سے غسل فرض نہیں ہوتا، البتہ وضو ٹوٹ جاتاہے اور کپڑے یا بدن پر جس جگہ لگیں اسے پاک کرنا ضروری ہوگا۔ فقط واللہ اعلم