سوال

میں گھر سے سفر پر نکلا اور میری نیت تھی کہ 15 دن سے کم رہوں گا،  لیکن اب میری نوکری لگ گئی تو مجھے یہاں 15 دن سے زیادہ گزارنے کا سوال پیدا ہوگیا۔ اب میرا کچھ کام بن گیا ہے اور 15 دن  بھی پورے نہیں ہوئے تو اب میں کون سی نماز پڑھوں؟

جواب

اصول یہ ہے کہ حالتِ سفر میں کسی جگہ جس وقت آئندہ پندرہ دن یا اس سے زائد ٹھہرنے کی نیت کی جائے گی، اس کے بعد پوری نماز پڑھنی ہوگی اور اگر نیت یہ ہو  آئندہ پندرہ دن سے کم ٹھہرنا ہو تو ایسی صورت میں قصر پڑھی جائے گی، چاہے گزشتہ دنوں کو ملا کر 15 دن سے زائد قیام کیوں نہ ہوجائے؛ لہذا اگر آپ کی اب 15 دن یا اس سے زائد ٹھہرنے کی نیت ہے تو آپ پوری نماز پڑھیں گے، ورنہ قصر کریں گے۔

الهداية في شرح بداية المبتدي (1 / 80):
"ولو دخل مصرًا على عزم أن يخرج غدًا أو بعد غد ولم ينو مدة الإقامة حتى بقي على ذلك سنين قصر" لأن ابن عمر رضي الله عنه أقام بأذربيجان ستة أشهر وكان يقصر وعن جماعة من الصحابة رضي الله عنهم مثل ذلك".

النتف في الفتاوى للسغدي (1 / 76):
"ويصير مقيماً بشيئين:
أحدهما إذا عزم علي إقامة خمسة عشر يوماً أين ما كان ..." فقط واللہ اعلم