کیا قرض کی ادائیگی کے لیے والدہ کی حیات میں ان کی ملکیت فروخت کی جاسکتی ہے؟
صورتِ مسئولہ میں والدہ اپنی حیات میں اپنی جائے داد کی خود مالک ہیں، کسی دوسرے کا اس میں تصرف کرنا جائز نہیں ہے، لہذا والدہ کی اجازت کے بغیر ان کی جائیداد کو فروخت کرنا خواہ وہ کسی بھی مقصد کے لیے ہو جائز نہیں ہے، ہاں اگر والدہ خود یا ان کی اجازت سے ان کی جائے داد فروخت کردی جائے تو یہ جائز ہے، پھر اس جائے داد کی رقم ان کی اجازت سے قرض کی ادائیگی میں بھی صرف کی جاسکتی ہے۔فقط واللہ اعلم
فتوی نمبر : 144007200405
دارالافتاء : جامعہ علوم اسلامیہ علامہ محمد یوسف بنوری ٹاؤن