سوال

 قرض حسنہ پر زکوۃ کا کیا حکم ہے آیا زکوۃ دی جائے یا نہیں ۔ مہربانی کرکے رہنمائی فرمائیں. جزاک اللہ

جواب

جو رقم کسی کو قرض حسنہ کے طور پر دی ہے اگر وہ تنہایا دوسرے روپے وغیرہ کے ساتھ مل کر نصاب کے برابر یا زائد ہے تو رقم وصول ہونے کے بعد اس کی زکوۃ اداکرنی ہوگی، اگر کئی سال کے بعد وصول ہو تو گزشتہ تمام سالوں کی زکوۃ ڈھائی فیصد کے حساب سے ادا کرنی ہوگی۔ اگر وصول ہونے سے پہلے ادا کرنا چاہیں تو بھی درست ہے۔ واللہ اعلم