اللہ تعالیٰ نے مجھے ایک فرزند سے نوازا ہے اور میں نے اس کا نام ’’محمد‘‘ رکھا ہے ، کچھ لوگ کہتے ہیں کہ اس کے آگے یا پیچھے کوئی اور نام جوڑ دیں۔ راہ نمائی فرما دیں ۔
سعادتوں اور برکتوں کے حصول کے لیے نیز محبت وعقیدت میں نامِ نامی اسمِ گرامی ’’محم‘‘ (ﷺ)" کی نسبت سے اپنی اولاد کا نام ’’محمد‘‘ رکھنے کو علماء وصلحاء نے انتہائی مستحسن قرار دیاہے، اور بعض احادیث میں اس کے فضائل بھی وارد ہیں ۔لہذا صرف ’’محمد ‘‘ نام رکھنا درست ہے ، اس سے پہلے یابعد میں کسی اور نام کے اضافے کی حاجت نہیں ۔اس سلسلہ میں ہمارے ہاں سے ایک تفصیلی فتوی شائع ہوچکا ہے جو درج ذیل لنک سے آپ حاصل کرسکتے ہیں۔فقط واللہ اعلم
محمد نام رکھنے کا حکم اور اس کی فضیلت
فتوی نمبر : 144010201055
دارالافتاء : جامعہ علوم اسلامیہ علامہ محمد یوسف بنوری ٹاؤن