فرض یا نفل نما زکے سجدہ میں دعائیں مانگ سکتے ہیں ؟
امام کو چاہیے کہ مقتدیوں کی رعایت رکھتے ہوئے فرض نماز کے رکوع اور سجدہ میں صرف مسنون تسبیحات پر ہی اکتفا کرے، ہاں اگر مقتدیوں کی چاہت ہو کہ رکوع اور سجدے طویل ہوں یا انفرادی طور پر فرض نماز ادا کررہاہو تو ماثور دعائیں پڑھنے یا عربی میں دعا مانگنے کی اجازت ہے۔
باقی نوافل کے سجدے میں تسبیحات کے ساتھ ماثور دعائیں مانگنا بہتر ہے، اسی طرح دیگر دعائیں بھی مانگ سکتے ہیں، بشرطیکہ عربی زبان میں ہو ں اور ایسے امور سے متعلق ہوں جو مخلوق سے نہ مانگے جاسکتے ہوں۔فقط واللہ اعلم
فتوی نمبر : 144004200445
دارالافتاء : جامعہ علوم اسلامیہ علامہ محمد یوسف بنوری ٹاؤن