سوال

نمازِ فجر  پڑھنے کے بعد مجبوری کی حالت میں سو سکتے ہیں یا نہیں؟  کیا قرآن یا حدیث  میں یہ ہے کہ جو شخص  فجر کی نماز کے بعد سو جاتا ہے، اللّٰہ پورا دن اس بندے پر لعنت فرماتے ہیں؟ 

جواب

فجر   کی نماز  کے بعد  طلوعِ آفتاب تک بغیر کسی ضرورت کے سونا مکروہ ہے، ضرورت کی صورت میں طلوعِ آفتاب سے پہلے سو سکتے ہیں، البتہ  بہتر یہ ہے کہ بوقتِ ضرورت بھی اشراق کا وقت ہوجانے کے بعد سوئے۔

کافی تلاش کے بعد بھی ہمیں ایسی کوئی روایت  نہیں ملی کہ فجر کے بعد سونے پر دن بھر اللہ تعالی لعنت فرماتے ہیں۔ 

الفتاوى الهندية (5/ 376):
"ويكره النوم في أول النهار وفيما بين المغرب والعشاء".  فقط واللہ اعلم