اگر کوئی شخص عین اذانِ فجرکےوقت جب کہ اذان اپنے وقت پہ دی گئی ہو کچھ کھاپی لےتو آیااس کاروزہ باقی رہتاہےیانہیں؟
سحری کا وقت صبح صادق تک ہے، اور صبح صادق کے بعد فجر کا وقت داخل ہوجاتا ہے، فجر کی اذان صبح صادق کے بعد دی جاتی ہے، اس لیے اگر اذان اپنے وقت پر دی گئی ہو تو اذان کے وقت کھانے ، پینے سے اس دن کا روزہ نہیں ہوگا، بعد میں اس روزہ کی قضا کرنا لازم ہوگا، تاہم اس دن بھی غروب آفتاب تک روزہ داروں کی مانند رہنا ضروری ہوگا۔فقط واللہ اعلم
فتوی نمبر : 143908201159
دارالافتاء : جامعہ علوم اسلامیہ علامہ محمد یوسف بنوری ٹاؤن