1: ایک آدمی کی بیوی صاحب نصاب ہے، شوہر کے پاس جوکچھ ہے وہ بھی بیوی کے نام پرہے۔یہ آدمی صاحبِ نصاب نہیں۔اگریہ زکات کی مد میں کچھ لیتاہے تواس کے لیے لیناشرعاًجائز ہے یا نہیں؟
2:ایک عالم جوکہ صاحبِ نصاب نہیں وہ کسی سے کہتاہے کہ ایک عالم ضرورت مند ہے، مستحق ہے، اگرآپ تعاون کریں تو بہترہوگا، دل میں اپنے آپ کو ہی مراد لیاہے، تواب یہ رقم اپنے لیے استعمال کرسکتاہے یا نہیں؟ یہ طریقہ سوال کی وعید سے بچنے کے لیے کرتے ہیں۔ کیا یہ صورت جائز ہے یا نہیں؟
۱۔اگر شوہر صاحبِ نصاب نہیں تو اس کے لیے زکاۃ لینا جائز ہے۔
۲۔اس صورت میں مذکورہ شخص زکاۃ کی رقم خود استعمال کرسکتا ہے،اگر واقعی ضرورت مند ہونے کی وجہ سے ایسا کیا ہے تو سوال کرنے کی وعید لازم نہیں ہوگی، اور اگر بلاضرورت سوال کیا ہے تو وعید کا مصداق ہوگا۔فقط واللہ اعلم
فتوی نمبر : 143909200840
دارالافتاء : جامعہ علوم اسلامیہ علامہ محمد یوسف بنوری ٹاؤن
