سوال

عید والے دن عیدی دینا کیسا ہے ؟ عیدی کی شرعی حیثیت کیا ہے ؟ یہ سوچ کر عیدی دینا کہ سال میں ایک موقع ہوتاہے اس میں عیدی دے کر بچوں کو خوش کردیاجائے، اس سوچ سے عیدی دینا کیساہے ؟ شرعی اعتبار سے وضاحت فرمادیں!

جواب

 عیدی دینادرست ہے، اس کی حیثیت  تحفہ اورہدیہ کی ہے، اورہدایا اورتحائف دینے کا حکم ہے۔اس سوچ سےبچوں کو ، ماتحتوں کو ، ملازموں کوعیدی دینا کہ وہ خوش ہوں گے نہ صرف جائز بلکہ کارِثواب ہے۔

'' سير أعلام النبلاء'' ط الحديث (5/ 529)

''وقال أحمد بن عبد الله العجلي: ۔ ۔ ۔ وبلغنا أن حماداً كان ذا دنيا متسعة، وأنه كان يفطر في شهر رمضان خمس مائة إنسان، وأنه كان يعطيهم بعد العيد لكل واحد مائة درهم''.فقط واللہ اعلم