میری عید کی نماز کی پہلی تین تکبیرات رہ گئیں اور مجھے اس کا طریقہ معلوم نہ تھا، بہرحال بقیہ نماز امام کے طریقے سے ادا کر دی تو کیا نماز ہو گئی؟
اگر آپ عید کی نماز میں امام کے ساتھ ایسے وقت میں شریک ہوئے جب امام تکبیراتِ زوائد کہہ چکے تھے تو آپ کے لیے حکم یہ تھا کہ آپ قیام کی حالت میں ہی اپنی تکبیرات خود کہہ لیں، لیکن جب آپ کو مسئلہ کا علم نہ تھا اور آپ نے تکبیرات نہیں کہیں تو بھی آپ کی نماز ادا ہو گئی۔
الفتاوى الهندية (1/ 151):
"ولو رفع الإمام رأسه بعد ما أدى بعض التكبيرات فإنه يرفع رأسه ويتابع الإمام وتسقط عنه التكبيرات الباقية، كذا في السراج الوهاج". فقط واللہ اعلم
فتوی نمبر : 144012200344
دارالافتاء : جامعہ علوم اسلامیہ علامہ محمد یوسف بنوری ٹاؤن