سوال

بچی کا عقیقہ کرنا ضروری ہے.کیااس میں ایک بکرا ذبح کرنا لازمی ہے یا اس کے بدلے کسی مسجد ,مدرسےیا کسی غریب کو پیسے دینے سے عقیقہ ہو جاتا ہے؟

جواب

بچی کی پیدائش کے ساتویں روز صاحبِ استطاعت شخص کے لیے بطور عقیقہ ایک بکرا یا بکری ذبح کرنا مسنون ہے، فرض یا واجب نہیں ہے، البتہ عقیقہ مسنونہ میں چھوٹا جانور ذبح کرنا یا بڑے جانور کے سات حصوں میں سے ایک حصہ کرنا ضروری ہے۔  اور یہی طریقہ رسول اکرم صلی اللہ علیہ وسلم اور صحابہ کرام سے ثابت ہے، مسجد ،مدرسہ یا غریب کی مدد کرنے سے عقیقہ مسنونہ ادا نہیں ہوگا، البتہ صدقہ جاریہ و غریب کی مدد کا ثواب ضرور مل جائے گا۔ فقط واللہ اعلم