سوال

 میں نے اپنی بیٹی کا نام عشال ندیم رکھا ہے ، اس نام کے معنی کیا ہیں؟ اور اس نام کے رکھنے میں کوئی حرج تو نہیں ، چاہے اس کاکوئی معنی نہ ہو؟  اس کا کوئی اثر بچی پر تو نہیں پڑتا؟  جواب جلد دیجیے گا!

جواب

«عشال» ( "عین" پر زبر اور "ش" پر تشدید کے ساتھ) اور «عاشل» کا معنی ہے: "درست اندازہ لگانے والا"۔ (لسان العرب) «عشال» "عین" کے نیچے زیر کے ساتھ عربی لغت میں استعمال نہیں ہوتا۔

مذکورہ نام رکھنے میں کوئی گناہ تو نہیں، لیکن اگر نام تبدیل کرنا ممکن ہو تو  اس کی جگہ کوئی اور اچھانام یاصحابیات کے ناموں میں سے منتخب کرکے رکھاجائے۔ فقط واللہ اعلم

تاج العروس

"الْعَاشِلُ : الْمُخَمِّنُ الذي يَظُنُّ فَيُصِيبُ كالْعاشِنِ والْعَاكِلِ، كَما في اللِّسَانِ، وأَهْمَلَهُ الْجَماعَةُ".

لسان العرب

"العاشِلُ والعاشِنُ والعاكِلُ المُخَمَّن الذي يَظُنُّ فيُصِيب". فقط واللہ اعلم