ایک صاحب نے عشاء کی نماز تنہا پڑھی کیا وہ وتر کی جماعت کی امامت کروا سکتا ہے ان لوگوں کو جنہوں نے عشاء کی نماز باجماعت ادا کی ؟ اورایک شخص نے عشاء کی نماز اور تراویح دونوں تنہا پڑھیں تو کیا وہ وتر کی امامت کرواسکتا ہے ؟ ایک شخص نے نماز عشاء باجماعت ادا کی اور تراویح تنہا پڑھی تو کیا وہ وتر باجماعت ادا کرسکتا ہے ؟اور کیا وتر کی امامت کرسکتا ہے؟
تمام صورتوں میں جماعت کی امامت کرنا جائز ہے، البتہ بغیر عذر کے ایسا کرنا مناسب نہیں ہے، خصوصًا ایسی نوبت آنے سے بچنا چاہیے جس میں امام کے عمل کو دیکھ کر لوگوں میں دین کے معاملے میں سستی پیدا ہو۔ فقط واللہ اعلم
فتوی نمبر : 144008201917
دارالافتاء : جامعہ علوم اسلامیہ علامہ محمد یوسف بنوری ٹاؤن