سوال

ایک عورت کا خاوند فوت ہوگیا  ہے، وہ کسی سرکاری نوکری میں کام کیا کرتا تھا،  محکمہ والے عورت کو کہتے ہیں آپ کوہمارے دفتر آنا پڑے گا دو تین دفعہ، تب آپ کو خاوند کی پنشن ملے گی ورنہ نہیں ؟ کیاوہ عدت میں اس مجبوری کی وجہ سے گھر سےنکل سکتی ہے یا نہیں؟ 

جواب

کوشش کی جائے کہ عدت کے دوران عورت کے گھر سے نکلے بغیر گھر کے کسی اور فرد کے ذریعے یہ کام نمٹ جائے، لیکن اگر ایسا ممکن نہ ہو اور عورت کو خرچ میں تنگی پیش آرہی ہو تو  صرف اس کام کے لیے گھر سے  باہر نکلنے کی اجازت ہوگی۔ فقط واللہ اعلم