ظہر کی پہلی چار سنت میں کیا پڑھنا چاہیے؟
ظہر سے قبل کی سنت و دیگر سنن و نوافل کی ہر رکعت میں سورۂ فاتحہ کے بعد کوئی سورت یا چھوٹی تین آیات یا ایک بڑی آیت قراءت کرنا ضروری ہے، پس اگر سنن و نوافل کی کسی رکعت میں سورۂ فاتحہ کے بعد قراءت سہواً رہ گئی تو سجدہ سہو کرنا لازم ہوگا، بصورتِ دیگر نماز واجب الاعادہ ہوگی۔ باقی ظہر سے پہلے کی سنتوں میں پڑھنے کے لیے خاص سورتیں یا آیات متعین نہیں ہیں، نمازی کو اختیار ہے جو چاہے پڑھ لے۔ فقط واللہ اعلم
فتوی نمبر : 143909202267
دارالافتاء : جامعہ علوم اسلامیہ علامہ محمد یوسف بنوری ٹاؤن