میں نے طلاق کے پیپر بنا کر ان پر دستخط کردیے اور بیوی کو نہیں بھیجے ،کیااس صورت میں طلاق واقع ہوگی؟ میں نے اسٹامپ پیپر پر تین طلاق دی ہے۔
مذکورہ صورت میں جب آپ نے پیپر پر تین طلاقیں لکھو اکر دستخط کردیے ہیں تو اس سے آپ کی بیو ی پر تینوں طلاقیں واقع ہوچکی ہیں، دونوں کا رشتہ ختم ہوچکاہے اور اب رجوع کرنے یاتجدیدنکاح کی گنجائش نہیں۔طلاق کے کاغذات کا بیوی کو بھیجنالازم نہیں، اس کے بغیربھی طلاق واقع ہوجاتی ہے۔ البتہ اگر طلاق نامہ مشروط ہو تو شرط کے پائے جانے کے بعد ہی طلاق نامہ موثر ہوگا۔فقط واللہ اعلم
فتوی نمبر : 143907200045
دارالافتاء : جامعہ علوم اسلامیہ علامہ محمد یوسف بنوری ٹاؤن