"ض" کا صحیح مخرج کیا ہے؟
حافہ لسان (یعنی زبان کی داہنی یا بائیں کروٹ) کو اَضراسِ عُلیا (یعنی اوپر کی داڑھوں کی جڑ) سے لگانے سے ’’ض‘‘ نکلتا ہے، ’’ض‘‘ عربی حروف تہجی میں سے مخرج اور صحیح ادائیگی کے اعتبار سے سب سے مشکل حرف ہے، اور اس کی ادائیگی کے لیے صرف مخرج معلوم ہونا کافی نہیں ہے، بلکہ کسی ماہر مجود قاری صاحب سے اس کو سیکھ کر اس کی مشق کرنا ضروری ہے، البتہ لفظی شناخت کے لیے یہ کہہ سکتے ہیں کہ ض کی آواز ظ،ذ اور ز سے قریب ہے اور دال سے بعید تر ہے۔ (ماخوذ از جمال القرآن،ص:۸) فقط واللہ اعلم
فتوی نمبر : 144112200579
دارالافتاء : جامعہ علوم اسلامیہ علامہ محمد یوسف بنوری ٹاؤن