اگر شوہر کی ملازمت نہ ہو، بیوی کام کرتی ہو اور جیولری بھی ہو تو کیا ایسے حالات میں زکات ادا کی جائے گی؟ جب کہ ضروریات پوری کرنا بھی مشکل ہو۔
واضح رہے کہ زکات ہر ایسے شخص پر واجب ہوتی ہے جس کی ملکیت میں ساڑھے سات تولہ سونا یا ساڑھے باون تولہ چاندی یا ساڑھے باون تولہ چاندی کی قیمت کے بقدر رقم یا مالِ تجارت موجود ہو۔
لہذا اگر کوئی شخص مذکورہ نصاب کا مالک ہو تو اس پر زکات واجب ہو گی اور اس پر اس کی ادائیگی بھی لازم ہو گی اگرچہ حالات تنگ ہوں اور ضروریات مشکل سے پوری ہوتی ہوں، ایسے میں زیور کاکچھ حصہ بیچ کر زکات ادا کی جائےگی اور اگر زیورہ کا چالیسواں حصہ دےدیا جائے تو بھی درست ہے۔ فقط واللہ اعلم
فتوی نمبر : 144008200559
دارالافتاء : جامعہ علوم اسلامیہ علامہ محمد یوسف بنوری ٹاؤن