سوال

 کوئی آدمی دوسرے کے کاروبار میں پیسہ لگائے اور کام کرنے والا مال والے کو ہر ماہ راس المال کے 3 فی صدکے برابر نفع دے تو کیا یہ جائز ہے؟

جواب

اگر کوئی شخص کسی دوسرے شخص کے ساتھ شرکت کرتا ہے تو ایسی صورت میں منافع  کی جائز تقسیم کے لیے شرعاً ضروری ہے کہ منافع کو آپس میں فی صد کے اعتبار سے تقسیم کیا جائے، شرعاً منافع کی فی صدی تقسیم کا مطلب یہ ہے کہ جو نفع حاصل ہو اسے شرکاء کے درمیاں فی صد کے تناسب سے تقسیم کیا جائے، نہ کہ رأس المال (سرمایہ) کا فی صد طے کرکے اسی کے مطابق دیا جائے؛ کیوں کہ اس صورت میں ایک شریک کا حصہ فکس ہوگا جو کہ جائز نہیں ہے۔ مثلاً یوں طے کیا جائے کہ منافع کا 60 فیصد فلاں کا اور 40 فیصد فلاں کا ہو گا، راس المال کا فی صد طے کرنا درست نہیں۔فقط واللہ اعلم