سوال

 کیا شوہر یا زوجہ کی شرمگاہ دیکھنے سے غسل فرض ہوجاتا ہے؟

جواب

میاں بیوی کا ایک دوسرے کی شرمگاہ دیکھنا کوئی پسندیدہ عمل نہیں ہے، حضرت عائشہ صدیقہ رضی اللہ عنہا فرماتی ہیں: نہ تو میں نے کبھی آپ صلی اللہ علیہ وسلم کا مستور حصہ دیکھا، نہ ہی آپ صلی اللہ علیہ وسلم نے میرا مستورہ حصہ دیکھا۔ اس کے باوجود اگر کسی نے ایسا کیا تو محض شرمگاہ کو دیکھنے سےغسل فرض نہیں ہوتا، جب تک انزال نہ ہوجائے۔ فقط واللہ اعلم