سوال

میٹرو کیش اینڈ کیری شارک مچھلی 650 روپے کلو بیچ رہے ہیں۔کیا یہ حلال ہے؟ اگر حرام ہے تو کوئی اس کے خلاف ایکشن کیوں نہیں لیتا؟

جواب

 سمندری مخلوقات میں سے صرف مچھلی کا کھانا حلال ہے ، مچھلی کے علاوہ کسی اور سمندری جانور کا کھانا جائز نہیں ہے، اور  ”شارک“ جس کو عامی زبان میں ” مگرا“ کہتے ہیں اور عربی زبان میں اس کو ”قرش “اور ”کوسج“  کہا جاتا ہے ، اہلِ لغت اور اہلِ لسان نےا س ( شارک  / مگرا ) کو مچھلی کی قسم میں سے شمار نہیں کیا، بلکہ یہ سمندری درندہ ہے، اس لیے اس کا کھانا جائز نہیں ہے۔

شارک سے متعلق مزید تفصیل  کے لیے درج ذیل لنک پر جامعہ کا تفصیلی فتوی ملاحظہ فرمائیں:

مگرا/ شارک کھانے کا حکم

قطع نظر مذکورہ مسئلے کے، اہلِ فتویٰ کی ذمہ داری دلائل کی روشنی میں مسئلہ واضح کرکے بیان کرنا ہے، جس کا بیان و اظہار اور اجرا الحمد للہ ہمارے ہاں سے مسلسل ہورہاہے، اس کا نفاذ اور روک تھام کی ذمہ داری انتظامیہ کی ہے۔فقط واللہ اعلم