سوال

 شادی کے بعد لڑکی اگر چند روز کے لیے اپنے میکے جائے گی تو وہاں اس کی حیثیت مسافر کی ہوگی یا مقیم کی؟ اور وہ وہاں قصر نماز پڑھے گی یا پوری؟

جواب

 بیوی میکے سے رخصت ہوکر شوہر کے یہاں چلی گئی ہے اور شوہر کے ساتھ شوہر کے وطن میں مستقل رہنے کا ارادہ ہے، تو جب پندرہ روز سے کم مدت کے لیے میکے جائے گی تو قصر کرنا اس پر لازم ہوگا؛ اس لیے کہ  اب جائے ولادت اس کا وطن اصلی نہیں رہا، بلکہ شوہر کا گھر وطن اصلی ہوگیاہے۔

"الوطن الأصلي هو موطن ولادته أو تأهله أو توطنه یبطل بمثله". (الدرالمختار، باب صلاة المسافر، مطلب في الوطن الأصلي، ووطن الإقامة، ۲/ ۱۳۱)فقط واللہ اعلم