شادی میں جو رسومات ادا کی جاتی ہیں ان کا کیا حکم ہے؟ 1۔ مایوں۔ 2۔مہندی۔ 3۔ شادی والے دن ہار (پھوپھا ہی پہنائیں گے) اور پیسے دینے ہوتے ہیں۔ 4۔ دودھ پلائی۔ 5۔ کاجل لگائی (بھابھی ہی لگائی گی) اور پیسے دینے ہوتے ہیں۔ 6۔ گیٹ رکائی۔ 7۔جوتا چھپائی۔ 8۔ مخلوط مجالس۔ 9۔ دولہا کا دولہن کے ساتھ اسٹیج پر بیٹھنا۔ 10۔ رخصتی کے وقت دلہن کے سر پر قرآن رکھنا۔
مذکورہ تمام رسومات قابلِ ترک اورقابلِ اصلاح ہیں.شادی بیاہ کے معاملات میں بھی شرعی حدود کی پابندی ضروری ہے۔ البتہ نکاح ہوچکا ہو اور دیگر شرعی موانع نہ ہوں تو دولہا دلہن ساتھ بیٹھ سکتے ہیں، نکاح سے پہلے یا دیگر ممنوعات کی صورت میں اجتناب کیا جائے۔ فقط واللہ اعلم
فتوی نمبر : 143903200086
دارالافتاء : جامعہ علوم اسلامیہ علامہ محمد یوسف بنوری ٹاؤن