سوال

ایک مسجد  کی سیڑھیاں بالائی منزل کو اس طرح جاتی ہیں کہ پہلی دو تین سیڑھیاں مسجد کی حدود کے اندر ہی بنی ہوئی ہیں، لیکن چند ایک سیڑھیاں مسجد سے باہر نکل کر پھر مسجد میں داخل ہوجاتی ہیں، اگر معتکف ایسی سیڑھیوں کو استعمال کرتا ہے تو کیا اس کے اعتکاف پر اثر پڑے گا یا نہیں؟

جواب

صورتِ مسئولہ میں معتکف اگر بغیر کسی شرعی یا طبعی ضرورت کے ان سیڑھیوں کا استعمال کرے گا تو  اس کا اعتکاف ٹوٹ جائے گا؛ لہذا مسجد  کی انتظامیہ کو چاہیے کہ مسجد کے اندر ہی تمام سیڑھیاں بنوائے، اور جب تک سیڑھیاں سابقہ کیفیت پر رہیں معتکف، دورانِ اعتکاف شرعی یا طبعی ضرورت کے بغیر یہ سیڑھیاں استعمال نہ کرے۔ فقط واللہ اعلم