سوال

مفتیان کرام کیا فرماتے ہیں اس مسئلے کے بارے میں :

خالد نے نعمان کو دس لاکھ روپے بطور انویسٹمنٹ کے نفع و نقصان کی شراکت داری پر دیے ۔ جس میں خالد کی رقم دس لاکھ روپے ہیں، جس پر منافع 20% طے ہوا ہے، اب تین مہینے کام کیا، مگر بجائے فائدہ کے مسلسل نقصان ہی ہورہا ہے ۔ تین ماہ بعد نعمان کو معلوم ہوا کہ خالد نے جو رقم کاروبار میں لگائی ہے وہ سیونگ اکاؤنٹ سے دی گئی ہے جو کہ سراسر سودی اکاؤنٹ ہے تو کیا ایسی صورتِ حال میں اس سیونگ اکاؤنٹ والی رقم سے منافع حاصل کرنا یا کاروبار کرنا جائز ہے ؟ کیا نقصان دونوں طرف تقسیم ہوگا؟ کیوں کہ اگر اس کا حکم سودی نظام پر ہے تو مجھے جتنا بھی نفع ہوا ہوتا میں وہ چھوڑ دیتا، مگر اب جب کہ سراسر نقصان ہی نقصان ہوا ہے تو کیا نقصان برداشت کرنا دونوں فریقین پر ہوگا یا ایک پر؟

جواب تفصیل کے ساتھ عنایت فرمائیے!

جواب

صورتِ مسئولہ میں مسمی خالد نے جو رقم تجارت کی غرض سے مسمی نعمان کو نفع نقصان کی شرح طے کر کے دی تھی، اگرچہ  اپنے سیونگ اکاؤنٹ سے رقم دی  تھی، البتہ شرعاً شراکت داری  درست تھی ؛ لہذا نقصان کی صورت میں دونوں فریق حسبِ شرح نفع نقصان کے  ذمہ دار ہوں گے۔ فقط واللہ اعلم