سوال

ابھی حال ہی میں ’’وزیر اعظم کا میاب جوان‘‘  کے نام سے پروگرام شروع ہواہے  جس میں کاروبارکے لیے سود پر  قرضہ فراہم کیا جائے گا، اس پروگرام سے قرضہ لینا کی شرعی حیثیت کیا ہے؟  اور یہ کام کرنا چاہیے کہ نہیں ؟

جواب

سودی معاملہ اور سودی لین دین قرآن وحدیث کی رو سے حرام ہے۔ نیز اسلام میں جس طرح سود لینا حرام و ناجائز ہے، اسی طرح سود دینا بھی حرام وناجائز ہے اور احادیثِ  مبارکہ میں دونوں پر وعیدیں وارد ہوئی ہیں، سودی معاملہ دنیا اور آخرت کی تباہی اور بربادی، ذلت اور رسوائی کا سبب ہے، اس کے علاوہ کچھ نہیں، اس لیے سودی معاہدہ کرنااور سود کی بنیاد پر قرضہ لینا جائز نہیں ہے۔ ہر شخص پر لازم ہے کہ وہ سود بلکہ سود کے شبہ  سے بھی اپنے آپ کو محفوظ رکھے۔ فقط واللہ اعلم