سوال

سر کے بال سنت کے مطابق نہ ہونے کی صورت میں امامت کی جا سکتی ہے یا نہیں؟

جواب

سر کے بال خلافِ سنت ہونے کا مفہوم اگر یہ ہو کہ امام فساق اور فجار والی ہیئت رکھتا ہو تو ایسے شخص کو مستقل امام بنانا مکروہِ تحریمی ہو گا۔

اور اگر بالوں کے سنت کے مطابق نہ ہونے سے مراد یہ ہے کہ  امام نے پٹھے نہ رکھے ہوں، لیکن غیروں کے طریقہ پر بھی نہ ہوں تو اس میں کوئی حرج نہیں، اور ایسے امام کے پیچھے نماز پڑھنا بلا کراہت جائز ہے۔

واضح رہے کہ پٹھے بال رکھنا جس طرح سنت ہے، اسی طرح بال کاٹنے کو بھی بعض محدثین نے اور بالخصوص ہمارے فقہاءِ کرام نے سنت کہا ہے، اور ہر جمعہ بالوں کے حلق کو مستحب کہا گیا ہے۔

الفتاوى الهندية (1/ 84):
"ولو صلى خلف مبتدع أو فاسق فهو محرز ثواب الجماعة لكن لا ينال مثل ما ينال خلف تقي. كذا في الخلاصة". فقط واللہ اعلم

بالوں کے سنت کے مطابق یا مخالف ہونے کے حوالے سے مزید تفصیل کے لیے درج ذیل لنک پر فتاویٰ دیکھیے:

سر کے بالوں کا کچھ حصہ کاٹنا کچھ چھوڑ دینا

مدارس میں سر کے بال کٹوانے کی پابندی کیوں کرائی جاتی ہے؟