کیا میں اپنےمرحوم سسر کا قرض زکاۃ سے ادا کر سکتاہوں؟
نہیں ادا کرسکتے۔ زکاۃ کی ادائیگی صحیح ہونے کے لیے ضروری ہے کہ کسی مستحقِ زکاۃ شخص کو اس کا مالک بناکر دیا جائے، اور مردہ ملکیت کا اہل نہیں ہے، نہ تو اسے مالک بنایا جاسکتاہے، اور نہ ہی مردے کی طرف سے وکالت ممکن ہے، لہٰذا مرحوم کا قرض ادا کرنے سے زکاۃ ادا نہیں ہوگی۔ فقط واللہ اعلم
فتوی نمبر : 144105201041
دارالافتاء : جامعہ علوم اسلامیہ علامہ محمد یوسف بنوری ٹاؤن