زکاۃ کی رقم کسی مستحق کو عمرہ کے لیے دے سکتے ہیں؟ یعنی زکاۃ کی رقم سے کسی مستحق کو عمرہ کرایا جاسکتا ہے؟
اگر متعلقہ شخص واقعتاً مستحق ہو تو زکاۃ کی رقم اسے بطور ملکیت دے دی جائے اور اس سے وہ عمرہ کرلے تو جائز ہے۔ البتہ اسے اس رقم سے عمرے پر مجبور کرنا درست نہ ہوگا، اگر وہ عمرے کے بجائے اپنی دیگر ضروریات میں اسے استعمال کرنا چاہے تو کرسکتا ہے۔ فقط واللہ اعلم
فتوی نمبر : 143901200091
دارالافتاء : جامعہ علوم اسلامیہ علامہ محمد یوسف بنوری ٹاؤن