رمضان کے مہینے میں روزے کی حالت میں اگر کوئی شخص غیر فطری طور پر منی کو خارج کرتا ہے تو اس کا کیا حکم ہے؟
اگر روزے کے دوران مشت زنی کے ذریعہ انزال ہوگیا تواس سے روزہ فاسد ہوجائے گا، بعد میں روزے کی قضا لازم ہے، مگر کفارہ لازم نہیں ہے۔
واضح رہے کہ مشت زنی کرنا گناہِ کبیرہ ہے اور احادیثِ مبارکہ میں اس پر سخت وعیدیں وارد ہوئی ہیں، اس لیے بہر صورت اجتناب لازم ہے، اور اگر ایسا فعل ہوگیا ہو تو صدقِ دل سے توبہ واستغفار کرے۔ فقط واللہ اعلم
فتوی نمبر : 144012200058
دارالافتاء : جامعہ علوم اسلامیہ علامہ محمد یوسف بنوری ٹاؤن